اسلام آباد (این این آئی)چینی وزیر خارجہ چن گانگ عہدہ سنبھالنے کے بعد پاکستان کا پہلا دورہ کرینگے ، پانچ مئی کو اسلام آباد پہنچیں گے ۔ ذرائع کے مطابق چینی وزیر خارجہ عہدہ سنبھالنے کے بعد پاکستان کا پہلا دورہ کریں گے، چینی وزیر خارجہ چن گانگ 5 مئی کو اسلام آباد پہنچیں گے۔ ذرائع کے مطابق چینی وزیر خارجہ گوا میٹنگ کے فوراً بعد اسلام آباد پہنچیں گے، پاکستان اور چین کے درمیان 6 مئی کو سٹریٹجک مذاکرات ہوں گے۔ذرائع کے مطابق 6 مئی کو اسلام آباد میں افغانستان کیساتھ سہ فریقی مذاکرات کا بھی امکان ہے ،افغان عبوری وزیر خارجہ کی 6 مئی کو اسلام آباد آمد کا امکان ہے ۔ ذرائع کے مطابق پاکستان، چین اور افغانستان کے وزرائے خارجہ کے موجودہ میکنزم کا سہ فریقی اجلاس اسلام آباد میں ہوگا۔وزرائے خارجہ میکنزم کا آخری اجلاس ستمبر 2019 میں اسلام آباد میں ہوا تھا۔
