نیویارک(این این آئی)ہالی ووڈ کے شہنشاہ رابرٹ ڈی نیرو کے یہاں حال ہی میں ساتویں بیٹے کی ولادت ہوئی ہے۔یہ بات انہوں نے شوبز میگزین سے بات کرتے ہوئے بتائی۔79 سالہ آسکر ایوارڈ یافتہ اداکار نے کہا کہ مجھے پابندیاں لگانا نہیں پسند لیکن کبھی کبھار آپ کے پاس اور کوئی حل نہیں ہوتا۔رابرٹ ڈی نیرو کا کہنا تھا کہ میرا خیال ہے تمام والدین ہی یہی کہیں گے۔ آپ ہمیشہ اپنے بچوں کیلئے صحیح کرنا چاہتے ہیں اور انہیں غلطی پر شک کا فائدہ دینا چاہتے ہیں لیکن کبھی کبھی آپ ایسا کرنے سے قاصر رہتے ہیں۔انٹرویو لینے والے نے ایک موقع پر رابرٹ سے ان کے 6 بچوں کے متعلق سوال کیا تو اداکار نے تصحیح کرتے ہوئے کہا کہ 7، میرے یہاں حال ہی میں بچہ ہوا ہے۔گو کہ وہ اپنے نئے بچے کی ولادت کے متعلق زیادہ تفصیلات میں نہیں گئے نا ہی اپنی شریک حیات کے بارے میں کوئی گفتگو کی
