اسلام آباد (این این آئی)سپیکر قومی اسمبلی راجہ پرویز اشرف نے کہا ہے کہ شہید محترمہ بینظیر بھٹو کوعالم اسلام کی پہلی منتخب خاتون وزیراعظم ہونے کا اعزاز حاصل ہے ، شہید محترمہ بے نظیر بھٹو نے ملک میں جمہوریت کی بحالی اور مضبوطی کی خاطر اپنی جان کا نذرانہ پیش کیا، ان کی ملک میں جمہوریت کی بحالی و فروغ کی خاطر دی گئی قربانیوں کو ہمیشہ یاد رکھا جائے گا، شہید محترمہ نے ہمیشہ کسانوں، مزدوروں اور معاشرے کے پسے ہوئے طبقات کے حقوق کے تحفظ کی جنگ لڑی۔ ان خیالات کااظہار انہوںنے بینظیر بھٹو شہید کے 70 ویں یوم ولادت کے موقع پر اپنے پیغام میں کیا جو ہر سال 21 جون کو ملک بھر میں نہایت جوش و جذبے سے منایا جاتا ہے۔ سپیکر نے کہا کہ شہید بی بی کا مشن جمہوری نظام اور مساوات پر مبنی معاشرے کا قیام تھا ، ان کا مشن درحقیقت قائد عوام شہید ذوالفقار علی بھٹو کا مشن تھا ،وہ اپنی زندگی کی آخری سانس تک صبر و تحمل اور جرات و بہادری کے ساتھ اس مشن پر کاربند رہیں۔ سپیکر نے کہا کہ محترمہ شہید بینظیر بھٹو نے ہمیشہ اداروں کی مضبوطی،آئینی بالادستی ، وفاق اور صوبوں کے مابین ہم آہنگی کو فروغ دینے کیلئے جدوجہد کی۔ انہوں نے کہا کہ شہید محترمہ بینظیر بھٹو نے سیاست میں نظریات کو مسلط کرنے کے بجائے تحمل و برداشت اور مکالمہ کو فروغ دیا ، انہوں نے ملک کو دہشت گردی کے ناسور سے پاک کر کے امن کا گہوارہ بنانے کی جدوجہد کی ، سپیکر نے کہا کہ محترمہ شہید بینظیر بھٹو کمیشن کو اپنا کر ہم ملک کو ترقی کی راہ پر گامزن کر سکتے ہیں۔ سپیکر نے کہا کہ محترمہ بینظیر بھٹو کی شہادت کے بعد جس طرح آصف علی زرداری اور بلاول بھٹو زرداری نے پارٹی اور ملک کو سنبھالا وہ قابل تحسین ہے۔ انہوں نے پیپلز پارٹی کے چیئرمین بلاول بھٹو زرداری کو خراج تحسین پیش کرتے ہوئے کہا کہ بلاول بھٹو کی قیادت میں پارٹی شہید محترمہ بینظیر بھٹو کے مشن پر گامزن ہے۔ انہوں نے اس اعتماد کا اظہار کیا کہ شہید محترمہ بینظیر بھٹو کے مشن کو پایہ تکمیل تک پہنچانے میں اپنا ہرممکن کردار ادا کریں گے۔
مقبول خبریں
ایس سی او فورم پاکستان کیلئے تجارت کے فروغ کا ایک بہترین موقع ہے،...
اسلام آ با د(این این آئی)چائنہ میڈیا گروپ کے تحت سی جی ٹی این اردو اور ایف ایم 98 دوستی چینل نے انسٹی ٹیوٹ...
لائی چھنگ ڈے انتظامیہ چین کی وحدت کے عمومی رجحان کو روک نہیں سکتی...
بیجنگ(این این آئی) چینی وزارت خارجہ کی ترجمان ما ننگ نے یومیہ پریس کانفرنس میں تین امریکی فوجی اداروں اور 10 سینئر مینیجرز کے...
عوام کے درمیان دوستی عالمی امن کے لئے ایک لازوال محرک قوت ہے، چینی...
بیجنگ (این این آئی)چینی صدر شی جن پھنگ نے بیجنگ کے عظیم عوامی ہال میں چائنا انٹرنیشنل فرینڈشپ کانفرنس اور غیر ملکی ممالک کے...
وزیر اعلیٰ پنجاب مریم نواز نے نامور قانون دان بیرسٹر امجد ملک کو وائس...
اسلام آباد (این این آئی)وزیر اعلیٰ پنجاب مریم نواز شریف نے برطانیہ کے نامور قانون دان بیرسٹر امجد ملک کو وائس چیئرمین پنجاب اوورسیز...
آسٹریلیا پاکستان میں پانی کے منصوبے کے لئے 3 ملین آسٹریلوی ڈالر فراہم کرے...
اسلام آباد(این این آئی)وزارت اقتصادی امور کی کوششیں رنگ لے آئیں، آسٹریلیا پاکستان میں پانی کے منصوبے کے لئے 3 ملین آسٹریلوی ڈالر فراہم...