تل ابیب (این این آئی)اسلامی تعاون تنظیم (او آئی سی)نے مقبوضہ مغربی کنارے کے شہر جینن میں اسرائیلی فورسز کے آپریشن کے دوران 9 فلسطینیوں کی ہلاکت کی شدید مذمت کی ہے۔غیرملکی خبر رساں ایجنسی کی رپورٹ کے مطابق او آئی سی نے اپنے جاری کردہ بیان میں کہا کہ یہ گھنائونا جرم ان جرائم اور منظم ریاستی دہشت گردی کی توسیع ہے جو اسرائیلی قبضے کے ذریعے فلسطینی عوام کے خلاف روا رکھا ہوا ہے۔او آئی سی نے اقوام متحدہ کی سیکیورٹی کونسل سے ذمہ داری ادا کرنے کا مطالبہ کرتے ہوئے کہا کہ اپنی متعلقہ قراردادوں کا نفاذ کرکے اسرائیل کی مسلسل دہشت گردی کا خاتمہ کریں، اور فلسطینی عوام کو تحفظ فراہم کریں۔اسرائیلی فوج کے ترجمان نے کہا کہ یہ آپریشن جنین پناہ گزین کیمپ پر مرکوز تھا اور یہ ان کارروائیوں کی کڑی تھا جو ہم کرتے ہیں اور جاری رکھیں گے۔
