اسلام آباد (این این آئی)وزیراعظم محمد شہباز شریف نے کہا ہے کہ نصاب کسی بھی تعلیمی انفراسٹرکچر میں ریڑھ کی ہڈی کی حیثیت رکھتا ہے۔جمعرات کو اپنے ٹویٹ میں انہوں نے کہا کہ پاکستان کے آئین اور کمپیوٹر کوڈنگ کو اپنے قومی نصاب میں شامل کرکے، ہم نے اپنی آنے والی نسلوں کے لیے اپنے حقوق اور ذمہ داریوں کو اچھی طرح سے جاننے کی بنیاد رکھی ہے۔ انہوں نے کہا کہ ہمارا تصور یہ ہے کہ جب ہمارے بچے اس ملک کی باگ ڈور سنبھالیں گے تو وہ آئین کے ساتھ ساتھ انفارمیشن ٹیکنالوجی کے علم سے بھی بخوبی واقف ہوں گے۔وزیراعظم شہباز شریف نے کہا کہ سلمان صوفی کی سربراہی میں سٹریٹجک ریفارمز یونٹ نے وزارت تعلیم کے ساتھ مل کر ان اصلاحات کی قیادت کی ہے تاکہ اس بات کو یقینی بنایا جاسکے کہ ہم اپنی حکومت کی مدت کے مختصر عرصے میں بامعنی تعلیمی اصلاحات پر عملدرآمد کو یقینی بناسکیں۔
