اسلام آباد (این این آئی)سپیکرقومی اسمبلی راجہ پرویز اشریف اور ڈپٹی سپیکرزاہد اکرم درانی نے کہا ہے کہ اقوام متحدہ کی قراردادوں کے مطابق مسئلہ کشمیر کا حل خطے میں پائیدار امن کے قیام کیلئے ناگزیر ہے ، 13 جولائی 1931 کے دن کو تاریخ میں ہمیشہ سیاہ دن کے طور پر یاد رکھا جائے گا۔جمعرات کو یوم شہدائے کشمیر کے موقع پر اپنے پیغام میں سپیکرقومی اسمبلی نے کہا کہ 13 جولائی1931 کو ڈوگرہ مہاراجہ کی افوج نے 22 مظاہرین کو آذان دینے کی پاداش میں شہید کیا،13 جولائی 1931 کے شہدا کا خون رائیگاں نہیں جائے گا۔ انہوں نے کہا کہ مقبوضہ کشمیر میں گزشتہ 7 دہائیوں سے ہزاروں ماؤں کے جگر کے ٹکڑے شہید کیے جا چکے ہیں، مقبوضہ کشمیر میں خواتین کی بے حرمتی اور عصمت دری کے ہزاروں واقعات رونما ہو چکے ہیں۔سپیکرقومی اسمبلی نے کہا کہ بھارت کی نام نہاد جمہوری حکومت کے ہاتھ ہزاروں کشمیری شہداء کے لہو سے رنگے ہوئے ہیں، پاکستان کشمیری عوام کی حقِ خودارادیت کی جدو جہد کی ہر فورم پر اخلاقی، سیاسی اور سفارتی حمایت جاری رکھے گا،پاکستان کی پارلیمنٹ مسئلہ کشمیر کے پرامن حل کے لیے پر عزم ہے۔انہوں نے کہا کہ پاکستان کی پارلیمان نے مسئلہ کشمیر کو اقوام متحدہ کی قرار دادوں کے مطابق حل کرنے کیلئے متعدد قرار دادیں منطور کی ہیں، کشمیر پر بھارت کا غاصبانہ قبضہ انسانی حقوق اور عوام کے بنیادی حقِ خودارادیت کے منافی ہے۔ڈپٹی سپیکرزاہد اکرم درانی نے کہا کہ 13 جولائی 1931 کے شہدائے کشمیر کو خرج تحسین پیش کرتا ہوں ، پاکستان ہر فورم پر اپنے کشمیری بھائیوں کی اخلاقی ، سفارتی اور سیاسی حمایت جاری رکھے گا۔انہوں نے کہا کہ اقوام متحدہ بھارت کی طرف سے کشمیری عوام پر ڈھائے جانے والے مظالم کا نوٹس لے۔
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...