اسلام آباد(این این آئی)وزیراعظم کے معاون خصوصی برائے داخلہ عطا اللہ تارڑ نے کہاہے کہ تاخیری حربے مزید نہیں چلیں گے ، چیئر مین پی ٹی آئی کو چوری کا حساب دینا ہوگا،حتمی ٹرائل کو رکوانا اور خلل ڈالنا انصاف کی راہ میں رکاوٹیں حائل کرنے کے مترادف ہے،جواب نہ دینے اور ثبوتوں کو چھپانے کے لیے تاخیری حربے استعمال کیے جا رہے ہیں،چیئرمین پی ٹی آئی بہادری دکھائیں اور ٹرائل کا سامنا کریں۔ بدھ کو یہاں میڈیا سے گفتگو کرتے ہوئے چیئرمین پی ٹی آئی نے عدالت پیش نہ ہو کر یہ ثابت کر دیا کہ یہ توشہ خانہ چوری کا جواب نہیں دینا چاہتے۔ انہوںنے کہاکہ یہ توشہ خانہ کیس میں راہ فرار اختیار کرنے کی مذموم کوشش کر رہے ہیںانہوںنے کہاکہ توشہ خانہ تحائف بیچ کر اربوں روپے حاصل کیے گئے اور ڈکلیئر بھی نہ کیے گئے۔ عطا اللہ تارڑ نے کہاکہ عمران نیازی نے تاخیری حربوں میں پی ایچ ڈی کر رکھی ہے۔ انہوںنے کہاکہ توشہ خانہ کیس میں تمام گواہان کے بیانات قلم بند ہو چکے ہیں۔ انہوںنے کہاکہ تمام گواہان پر جرح بھی مکمل ہو چکی ہے اور ٹرائل اخری مراحل میں ہے۔معاون خصوصی برائے داخلہ نے کہاکہ چیئرمین پی ٹی آئی نے تاخیری حربوں کے ذریعے اپنا کیس خود خراب کیا ہے۔ انہوںنے کہاکہ فارن فنڈنگ کیس چھ چلتا رہا اور تاخیری حربوں کے ذریعے چوری کو چھپانے کی مذموم کوشش کی گئی۔ عطا اللہ تارڑنے کہاکہ حتمی ٹرائل کو رکوانا اور خلل ڈالنا انصاف کی راہ میں رکاوٹیں حائل کرنے کے مترادف ہے۔ انہوںنے کہاکہ چوری کا جواب نہ دینے اور ثبوتوں کو چھپانے کے لیے تاخیری حربے استعمال کیے جا رہے ہیںانہوںنے کہاکہ چیئرمین پی ٹی آئی بہادری دکھائیں اور ٹرائل کا سامنا کریں۔ معاون خصوصی برائے داخلہ نے کہاکہ کبھی جج پر عدم اعتماد کرتے ہیں کبھی کیس کے دائر اختیار کو چیلنج کرتے ہیں۔انہوںنے کہاکہ غیر ملکی قیمتی تحائف بیچنے میں تو تاخیری حربے استعمال نہیں کیے گئے فٹافٹ تحائف بیچے اور اربوں روپے حاصل کیے گئے۔ انہوںنے کہاکہ تاخیری حربے مزید نہیں چلیں گے اور چوری کا حساب دینا ہوگا۔
مقبول خبریں
آئینی اصلاحات ملکی مفاد میں ہیں ہونی چاہئے، ملک کو ہم آہنگی کی ضرورت...
اسلام آباد(این این آئی)رہنما پیپلزپارٹی راجہ پرویز اشرف نے کہا ہے کہ آئینی اصلاحات ملکی مفاد میں ہیں ہونی چاہئے،ملک کو ہم آہنگی کی...
8 اکتوبر تک 40 لاکھ 78 ہزار نے ٹیکس گوشوارے جمع کرادئیے، ایف بی...
اسلام آباد(این این آئی)فیڈرل بورڈ آف ریونیو (ایف بی آر) کو یکم جولائی سے 8 اکتوبر 2024ء کے دورانیے میں 9 لاکھ 42 ہزار...
زرعی شعبے پر ٹیکس کا اطلاق آئندہ سال یکم جولائی سے ہو گا ،...
اسلام آباد(این این آئی)وفاقی وزیر خزانہ محمد اورنگزیب نے کہا ہے کہ زرعی شعبے پر ٹیکس کا اطلاق آئندہ سال یکم جولائی سے ہو...
آئینی عدالت کے نام پر کٹھ پتلی عدالت قائم کی جا رہی ہے،حافظ حمد...
اسلام آباد(این این آئی)جے یو آئی کے مرکزی رہنما حافظ حمد اللہ نے کہاہے کہ آئینی عدالت کے نام پر کٹھ پتلی عدالت قائم...
موجودہ حکومت نے پالیسیوں کے تسلسل اور اصلاحات کے ذریعے ملکی معیشت کو بحال...
اسلام آباد (این این آئی) وفاقی وزیر منصوبہ بندی ترقی اصلاحات وخصوصی اقدامات احسن اقبال نے کہاہے کہ کسی بھی ملک کی ترقی...