لاہور (این این آئی)پنجاب فلم سنسر بورڈ نے ہالی ووڈ فلم ‘باربی’ کو سنیما گھروں میں نمائش کیلئے کلیئر کر دیا۔صوبائی نگراں وزیر اطلاعات عامر میر کا کہنا ہے کہ بورڈ نے فلم کے قابل اعتراض حصے سنسر کرنے کے بعد اسے نمائش کیلئے کلیئر کیا۔انہوں نے کہا کہ فلم ‘باربی’ پنجاب کے سنیما گھروں میں جلد ریلیز کر دی جائے گی۔ان کا کہنا تھا کہ ‘باربی’ فلم کو قابل اعتراض مواد کے باعث روک کر سنسر بورڈ کے فل بورڈ کے پاس جائزے کیلئے بھیجا گیا تھا۔عامر میر نے مزید کہا کہ فلم کو وزیراعلیٰ پنجاب کی ہدایات پر فل بورڈ نے ریویو کیا، فلم کا ریویو سیشن چیئرمین سنسر بورڈ توقیر ناصر سمیت تمام ممبرز نے دیکھا۔
