اسلام آباد (این این آئی)چین کے سنکیانگ خود مختار علاقے کے دارالحکومت ارمچی میں چائنا یوریشیا کموڈٹی اینڈ ٹریڈ ایکسپو میں پانچ روزہ پاکستانی مینگو فیسٹیول کا آغاز گزشتہ روز ہوا۔گوادر پرو کے مطابق بیجنگ میں پاکستانی سفارتخانے کے کمرشل قونصلر غلام قادر نے کہا کہ پاکستانی آم پاکستان کے زرعی منظرنامے اور ثقافتی تانے بانے میں ایک خاص مقام رکھتے ہیں، وہ اپنے لذیذ ذائقے اور شاندار مہک کے لیے مشہور ہیں، جو عالمی سطح پر پھلوں کے شوقینوں کے دلوں کو اپنی گرفت میں لے لیتے ہیں۔گوادر پرو کے مطابق قادر نے وضاحت کرتے ہوئے کہا کہ ارومچی میں پاکستان مینگو فیسٹیول اس پسندیدہ پھل کی نمائش کر رہا ہے، جس سے زائرین کو پاکستانی آم کی اقسام جیسے سندھڑی، چونسہ، انور رتول اور دیگر کا مزہ چکھنے کا موقع ملیگا۔ ان کے مطابق یہ تقریب نہ صرف ذائقہ کی کلیوں کیلئے ایک دعوت ہے بلکہ ثقافتی تبادلوں اور اقتصادی شراکت داری کی مضبوطی کی علامت بھی ہے۔گوادر پرو کے مطابق انہوں نے کہا کہ ایکسپو میں آنے والے زائرین مختلف پاکستانی مصنوعات، ٹیکسٹائل، دستکاری اور بہت کچھ کی نمائش کرنے والے اسٹالز دیکھ سکتے ہیں،یہ ثقافتی تبادلہ تفریق کو ختم کرتا ہے، ثقافتی سفارت کاری میں سہولت فراہم کرتا ہے اور باہمی احترام اور تجسس پر مبنی تعلقات کو فروغ دیتا ہے۔گوادر پرو کے مطابق انہوں نے بتایا کہ حکومت ارمچی کی دعوت پر سینیٹر رانا محمود الحسن سینیٹ آف پاکستان کے چھ رکنی وفد کی قیادت کر رہے ہیں، اس کے علاوہ ملتان سے آم کے 20 سرکردہ برآمد کنندگان اس ایکسپو میں شرکت کر رہے ہیں۔ گوادر پرو کے مطابق یہ بات قابل غور ہے کہ اس ایکسپو میں پاکستان سمیت 40 ممالک شرکت کر رہے ہیں، جس میں متعدد پاکستانی نمائش کنندگان ملک کی ثقافتی اور روایتی مصنوعات کی نمائش کر رہے ہیں۔
