کابل (این این آئی)افغانستان کی طالبان حکومت نے 6.5 بلین ڈالر کی سرمایہ کاری والے سات کان کنی کے معاہدوں پر دستخط کرلیے ہیں۔یہ معاہدے افغان طالبان کے جو دو سال قبل اقتدار پر براجمان ہونے کے بعد ہوئے سب سے بڑے معاہدوں میں شامل ہیں۔افغان حکومت کی جانب سے جاری بیان کے مطابق مقامی طور پر قائم کمپنیوں کے ساتھ سات معاہدوں پر دستخط کیے گئے، جن میں سے بعض چین اور ایران سمیت دیگر ممالک میں شراکت دار ہیں۔ان معاہدوں میں میں چار صوبوں ہرات، غور، لوگر اور تخار میں لوہے، سیسہ، زنک اور سونے کی کان کنی اور پروسیسنگ شامل ہے۔افغانستان کے نائب وزیر اعظم برائے اقتصادی امور عبدالغنی برادر کی جانب سے معاہدوں سے متعلق ایک بیان میں کچھ تفصیلات بتائی گئیں، اور کہا گیا کہ ان سے ہزاروں ملازمتیں پیدا ہوں گی اور ملک کی معاشی صورتحال میں نمایاں بہتری آئے گی۔افغانستان میں کان کنی کے شعبے کے ماہر جاوید نورانی کا کہنا ہے کہ ان معاہدوں کے لیے فراہم کیے گئے کوئی بھی اعداد و شمار اس وقت تک گمراہ کن ہو سکتے ہیں، جب تک کہ زمین پر کان کنی کے کام شروع نہ ہوجائیں، جس میں برسوں لگ سکتے ہیں۔جاوید نورانی نے امریکی خبر رساں ایجنسی کو بتایا کہ، ‘طالبان جانتے ہیں افغانستان میں معدنیات ہیں اور یہ نقد رقم ہے، لیکن یہ آسان نقدی نہیں ہے۔انہوں نے مزید کہا کہ ‘معدنیات کی کان کنی ایک ناقابل یقین حد تک پیچیدہ آپریشن ہے۔ اس کے لیے ایک مناسب فریم ورک، حکمت عملی، اداروں اور بنیادی ڈھانچے کی ضرورت ہے۔ آپ اس شعبے کو آہستہ آہستہ شروع کریں اور چھوٹے منافع سے شروعات کریں’طالبان اپنے اقتدار پر قبضے کے بعد سے معیشت کو بحال کرنے کے لیے غیر ملکی سرمایہ کاری کی پیشکش کر رہے ہیں۔گزشتہ، مغربی حمایت یافتہ افغان حکومت کے بجٹ کا تقریباً 80 فیصد بین الاقوامی برادری سے آیا تھا۔یہ رقم اب بڑے پیمانے پر کٹ گئی ہے۔صرف ہسپتالوں، اسکولوں، فیکٹریوں اور حکومتی وزارتوں کو مالی امداد دی جاتی ہے۔طالبان، افغانستان میں پچھلی انتظامیہ کی طرح ملک کے وسیع اور غیر استعمال شدہ معدنی وسائل سے اپنی امیدیں وابستہ کیے ہوئے ہیں، تاکہ قومی خزانے کو پورا کیا جا سکے۔خیال کیا جاتا ہے کہ لوگر صوبہ دنیا کا سب سے بڑا تانبے کا ذخیرہ رکھتا ہے۔
مقبول خبریں
سری لنکا میں کئی برس سے قید 56 پاکستانی وطن واپس پہنچ گئے’پاکستان پہنچنے...
اسلام آباد(این این آئی) سری لنکا میں کئی سال سے قید 56 پاکستانی وطن واپس پہنچ گئے۔پاکستان پہنچنے والے افراد نے نم آنکھوں...
علی امین کی واپسی گرفتاری کا کہنے والوں پر طمانچہ ہے، فیصل کریم کنڈی
پشاور(این این آئی)گورنر خیبرپختونخوا فیصل کریم کنڈی نے کہا ہے کہ وزیراعلیٰ خیبرپختونخوا علی امین گنڈاپور کی اسمبلی میں واپسی، ان کی گرفتاری کا...
میانوالی’ سی ٹی ڈی کی کارروائی، فتنہ الخوارج کے 7 دہشتگرد ہلاک،8 فرار
میانوالی (این این آئی)پنجاب کے ضلع میانوالی مکڑوال کے قریب محکمہ انسداد دہشت گردی (سی ٹی ڈی) اور دہشت گردوں کے درمیان فائرنگ کے...
اسٹاک ایکسچینج میں زبردست تیزی، انڈیکس 633 پوائنٹس بڑھ کر 84 ہزار کی نفسیاتی...
کراچی (این این آئی)پاکستان اسٹاک ایکسچینج میں کاروباری ہفتے کے پہلے روز بھی زبردست تیزی کا رجحان برقرار ہے، پیرکو بینچ مارک کے ایس...
دہشت گردی کی یہ کارروائی پاکستان اور چین کی پائیدار دوستی پر بھی حملہ...
اسلام آباد(این این آئی) دفتر خارجہ نے کراچی میں چینی شہریوں پر حملے کی مذمت کرتے ہوئے دہشت گردی کے خاتمے کے لیے...