لاہور (این این آئی)بیرسٹر امجد ملک نے پرنسپل صابریہ سراجیہ ہائر سیکنڈری سکول نمبر ٹو فیصل آباد نواز گل سے انکی دعوت پر خصوصی ملاقات کی اور اپنے آبائی سکول کا دورہ کیا۔ بیرسٹر امجد ملک، چیئر ایسوسی ایشن آف پاکستانی لائرز یوکے، روچڈیل لاء ایسوسی ایشن کے پہلے ایشیائی صدر (2012ـ2013) ہیں۔ وہ 2000 میں برطانیہ کے بہترین نوجوان انسانی حقوق کے وکیل کا ایوارڈ اپنے نام رکھتے ہیں۔ انہوں نے پرنسپل صابریہ سراجیہ سکول نواز گل سے ملاقات کی۔ کالج پرنسپل نے انکا استقبال کیا اور سکول بینڈ نے سلامی دی۔ وہ اور انکے بھائی بریگیڈئر محمد ارشد اور ریاض احمد اپنے ادوار میں دس سال اپنی مادر علمی میں زیر تعلیم رہے۔ دونوں بھائیوں کو درس گاہ میں گزرے اچھے پرانے وقت یاد تھے اور انہوں نے خوبصورت الفاظ میں اس مادر علمی اور اساتذہ کو خراج تحسین پیش کیا۔انہوں نے خاص طور پر سابق پرنسپل میاں ضمیر الحق کی خدمات کو سراہا اور اساتذہ کرام کی محنت محبت اور شفقت کی تعریف کی۔ اساتذہ میں خان محمد خان ، ثناء اللہ، انور صاحب، حافظ صاحب ، علوی صاحب ، صابری صاحب ، بشیر صاحب ، غلام مرتضیٰ ، ماسٹر نصیر احمد خان صاحب ، اکرم عاصی صاحب اور دیگر اساتذہ کو شاندار الفاظ میں یاد کیا گیا۔ بیرسٹر امجد ملک نے کہا کہ آج وہ جو کچھ بھی حاصل کرچکے ہیں وہ اپنے والدین اور اساتذہ کی بدولت ہی ممکن ہواہے۔ انہوں نے کہا کہ جنم بھومی میں انکی مادر علمی اسکا فخر اور اس سے وابسطہ جڑی یادیں انکا سرمایہ حیات ہیں۔ پرنسپل صابریہ سراجیہ سکول نواز گل نے بیرسٹر امجد ملک کو ان کے اپنے ادارے میں خوش آمدید کہا اور پرنسپل کی حیثیت سے کیے گئے اقدامات اور سکول میں جاری منصوبوں سے آگاہ کیا۔ انہوں نے بیرسٹر امجد ملک کو اس ادارے کے دفتر اور عمارت کی تزئین و آرائش میں کیے گئے انتظامی اقدامات کے بارے میں آگاہ کیا۔ انہوں نے بتایا کہ سکول ہر سال سو مستحق بچوں کو یونیفارم کی سہولت فراہم کرتا ہے۔ پرنسپل صابریہ سراجیہ سکول نواز گل نے کہا کہ ڈاکٹر حنیف بٹ، بریگیڈیر محمد ارشد ، ڈاکٹر اعظم اور بیرسٹر امجد ملک جیسے طلباء سکول کا فخر ہیں۔ انکا اپنی مادر علمی سے رابطہ رکھنا اور اسے مستحکم کرنا ہی دراصل انکی پہچان اور عزت ہے۔ بیرسٹر امجد ملک نے پرنسپل صابریہ سراجیہ سکول نواز گل کو ایک یادگار تختی پیش کی۔ بیرسٹر امجد ملک نے اپنے پرانی درس گاہ کے بارے میں طلباء کیلئے فلاح و بہبود اور دور جدید میں مسابقت کا پیغام بھیجا اور پرنسپل کو اپنی کتاب پاکستان کا سفر پیش کی۔ سکول کے طلباء نے گارڈ آف آنر پیش کیااور سلامی دیکر اپنے طالبعلم کو رخصت کیا۔
مقبول خبریں
سپریم کورٹ نے 63 اے سے متعلق فیصلہ کالعدم قرار دیدیا، نظرثانی اپیلیں متفقہ...
اسلام آباد (این این آئی)سپریم کورٹ آف پاکستان نے آرٹیکل 63 اے کیس کا فیصلہ کالعدم قرار دیتے ہوئے نظرثانی کی اپیلیں متفقہ طور...
انصاف کا جنازہ نہ نکالیں، شاہ محمود قریشی کا بلاول بھٹو کو خط
لاہور(این این آئی)پاکستان تحریک انصاف کے سینئر رہنما شاہ محمود قریشی نے لاہور کی کوٹ لکھپت جیل سے پاکستان پیپلز پارٹی کے چیئرمین...
پی ٹی آئی نے پریکٹس اینڈ پروسیجر کمیٹی کے اقدامات کو چیلنج کردیا
اسلام آباد (این این آئی) پاکستان تحریک انصاف (پی ٹی آئی) نے جسٹس منصور علی شاہ کی عدم موجودگی میں پریکٹس اینڈ پروسیجر کمیٹی...
اسلام آباد ہائی کورٹ نے چیف الیکشن کمشنر سکندر سلطان راجہ کی تعیناتی کے...
اسلام آباد (این این آئی)اسلام آباد ہائی کورٹ نے چیف الیکشن کمشنر سکندر سلطان راجہ کی تعیناتی کے خلاف دائر درخواست خارج کر...
بلاول بھٹو کا 7 اکتوبر کو جماعت اسلامی کے اسرائیل مخالف احتجاج میں شرکت...
اسلام آباد (این این آئی)پاکستان پیپلز پارٹی کے چیئرمین بلاول بھٹو زرداری نے 7 اکتوبر کو جماعت اسلامی کے اسرائیل مخالف احتجاج میں شرکت...