پشاور(این این آئی)پاکستان اور افغانستان کے درمیان باب دوستی سے تجارتی سرگرمیاں پانچویں روز بھی معطل رہیں۔پولیس کے مطابق دھرنا کمیٹی کے سربراہ غوث اللّٰہ سمیت 5 افراد کے خلاف مقدمہ درج کر لیا گیا ۔دوسری جانب کسٹم حکام نے بتایا کہ درآمدات، برآمدات، ڈاؤن ٹرانزٹ سمیت تمام قسم کے کسٹم کلیئرنس آپریشن بند ہیں۔رپورٹ کے مطابق افغانستان اور سینٹرل ایشیا کے لیے ایکسپورٹ معطلی سے تاجروں کو کروڑوں کا نقصان ہو رہا ہے۔کسٹم حکام کے مطابق بابِ دوستی ٹریڈ ٹرانسپورٹ روٹ دھرنا احتجاج کے باعث 5 روز سے بند ہے، فریش آئٹم لوڈ ٹرانسپورٹ کھولنے کے لیے دھرنے والوں سے مذاکرات کر رہے ہیں۔
