اسلام آباد (این این آئی)نگران وفاقی وزیر اطلاعات، نشریات و پارلیمانی امور مرتضیٰ سولنگی نے کہا ہے کہ الیکشن کمیشن آف پاکستان جمعرات 8 فروری 2024ء کو انتخابات کے اپنے وعدے اور عزم پر قائم ہے، وفاقی و صوبائی نگران حکومتیں اس ذمہ داری کو نبھانے میں الیکشن کمیشن کی ہر طرح کی انتظامی، مالی اورسکیورٹی ضروریات پوری کریں گی۔ پیر کو وفاقی وزیر اطلاعات نے اپنے ٹویٹ میں سینیٹ سے منظور ہونے والی قرارداد نمبر 562 کے حوالے سے الیکشن کمشن آف پاکستان کی جانب سے سینیٹ سیکرٹریٹ کو لکھا گیا خط بھی شیئر کیا۔ خط میں کہا گیا ہے کہ سینیٹ سے منظور کی گئی قرارداد سے متعلق الیکشن کمیشن کے اجلاس میں تبادلہ خیال ہوا۔ اجلاس میں مشاہدہ کیا گیا کہ الیکشن کمیشن نے صدر اسلامی جمہوریہ پاکستان کی مشاورت سے 8 فروری 2024ء کو عام انتخابات کے انعقاد کے لئے تاریخ مقرر کی۔ الیکشن کمیشن نے امن و امان کی بحالی کے لئے نگران وفاقی و صوبائی حکومتوں کو سکیورٹی صورتحال بہتر بنانے اور عام انتخابات 2024ء کے پرامن انعقاد کے لئے ووٹرز کو سازگار ماحول فراہم کرنے کی ہدایات جاری کی ہیں۔ الیکشن کمیشن نے عام انتخابات 2024ء کے انعقاد کے لئے تمام ضروری انتظامات مکمل کرلئے ہیں۔ الیکشن کمیشن نے عام انتخابات 2024ء کے حوالے سے عدالت عظمیٰ میں اپنی کمٹمنٹ بھی جمع کروائی ہے۔ ای سی پی نے کہا کہ ماضی میں بھی عام انتخابات اور بلدیاتی انتخابات سردیوں کے موسم میں ہوتے رہے ہیں۔ ان حقائق کی روشنی میں الیکشن کمیشن کے لئے اس مرحلے پر عام انتخابات 2024ء کو ملتوی کرنا مناسب نہیں ہوگا۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...