ممبئی (این این آئی)کورونا کی بدترین صورتحال سے دوچار بھارت میں بالی ووڈ کے کنگ شاہ رخ خان کے خوب چرچے ہونے لگے ،ان کی انسانیت کیلئے خدمت کے عملی مظاہرے نے دنیا بھر میں بھی لوگوں کے دل جیت لئے۔غیر ملکی میڈیا کے مطابق شاہ رخ خان نے دہلی کو 500 remdesivir انجکشن عطیہ کئے ہیں جس سے ریاست کو کورونا سے لڑنے میں بڑی مدد ملی۔دہلی کے وزیرصحت ستیندر جین نے اپنے ٹوئٹ میں لکھا ہے کہ ہم شاہ رخ خان اور میر فائونڈیشن کا دل سے شکریہ ادا کرتے ہیں۔ انہوں نے اس مشکل وقت میں دہلی کو 500 remdesivir انجکشن عطیہ کئے، جب دہلی کو اس کی سب سے زیادہ ضرورت تھی۔شاہ رخ خان کی جانب سے کئے گئے اس اقدام کے بعد دنیا بھر میں سپراسٹار کے مداح ان کی تعریف کرتے ہوئے انہیں مسیحا قرار دے رہے ہیں۔
