مقبوضہ غزہ(این این آئی)فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی (یو این آر ڈبلیو اے)کے کمشنر فلپ لازارینی نے کہا ہے کہ جنوبی غزہ کے علاقے خان یونس میں ایجنسی کی سب سے بڑی پناہ گاہ کے ارد گرد لڑائی کے نتیجے میں کم از کم چھ افرادجاں بحق اورمتعدد زخمی ہوئے۔غیرملکی خبررساں ادارے کے مطابق لازارینی نے ایکس پلیٹ فارم پر مزید کہا کہ خان یونس کے چند باقی ہسپتالوں میں عملہ، مریض اور بے گھر افراد پھنسے ہوئے ہیں کیونکہ شدید لڑائی جاری ہے۔انہوں نے تمام فریقین پر زور دیا کہ وہ احتیاط کریں اور شہریوں، صحت کی سہولیات، طبی نگہداشت کے کارکنوں اور اقوام متحدہ کی تنظیموں کے دفتر کو بین الاقوامی قوانین کے مطابق تحفظ فراہم کریں۔
