اسلام آباد (این این آئی)جے یو آئی (ف )کے رہنما حافظ حمد اللہ نے (ن )لیگ کے ملک احمد خان کو جواب دیتے ہوئے کہا کہ آپ مولانا فضل الرحمن کو چیلنج نہیں دے سکتے۔حافظ حمد اللہ نے اپنے بیان میں کہا کہ بڑے اور چھوٹے میاں میں سے کوئی آگے بڑھنے کی ہمت کرے۔انہوں نے کہا کہ پی ٹی آئی وفد کی مولانا فضل الرحمن سے ملاقات پر ن لیگ اور پیپلز پارٹی کو تکلیف کیوں ہے؟حافظ حمد اللہ نے کہا کہ مولانا فضل الرحمن نے بڑی پارٹیوں کی توہین نہیں کی ہے، دونوں پارٹیوں نے جنرل باجوہ کو ایکسٹینشن دے کر آئین، پارلیمنٹ کی توہین کی۔
