لاہور( این این آئی)نامور گلوکارہ سائرہ نسیم نے کہا ہے کہ پاکستان فلم انڈسٹری کی وجہ سے ہی بہت سے گلوکاروں نے اپنا نام پیدا کیا ، فلم انڈسٹری سے صرف فنکار وں کا روزگار وابستہ نہیں بلکہ اس سے گلوکاروں سمیت دیگر کئی شعبے بھی جڑے ہوئے ہیں۔ خصوصی گفتگو کرتے ہوئے سائرہ نسیم نے کہا کہ میرے سمیت پوری قوم کی خواہش ہے کہ پاکستان میں امن استحکام اور قائم ہو تاکہ گھٹن زدہ ماحول کا خاتمہ ہو سکے ۔پاکستانی زندہ دل قوم ہیں انشا اللہ ہم چیلنجز کا مقابلہ کریں گے ۔ انہوں نے کہا کہ دلی خواہش ہے کہ کھلے مقامات پر کنسرٹ ہوں تاکہ عوام اپنی فیملیوںسمیت اس میں شریک ہو کر تفریح کے مواقع حاصل کر سکیں ۔
