اسلام آباد(این این آئی)مسلم لیگ (ن)کے رہنما سینیٹر عرفان صدیقی نے کہا ہے کہ کابینہ تشکیل کے فیصلے نواز شریف کی مرضی سے کیے جارہے ہیں۔ایک انٹرویومیں عرفان صدیقی نے تصدیق کی کہ اسحاق ڈار ہی وزیر خزانہ ہوں گے چونکہ پیپلز پارٹی کو چیئرمین سینیٹ کا عہدہ ملے گا لہذا یہ تاثر غلط ہوگا کہ اسحاق ڈار چیئرمین سینیٹ ہوں گے۔انہوں نے کہا کہ اسحاق ڈار مارچ2024 میں سینیٹ سے ریٹائر ہو جائیں گے اور توقع ہے کہ وہ سینیٹ میں دوبارہ منتخب ہو جائیں گے۔ایک سوال کے جواب میں سینیٹر عرفان صدیقی نے کہاکہ پارٹی میں ہر پالیسی فیصلہ یا وفاق یا پنجاب میں حکومت کی تشکیل کا فیصلہ نواز شریف کی مرضی سے کیا جا رہا ہے۔
