تل ابیب (این این آئی)اسرائیلی وزیر اعظم نیتن یاہو نے رفح کے پناہ گزین پر اسرائیلی فوج کے حملے کو افسوس ناک حادثہ قرار دینے کے باوجود کہا ہے کہ حماس کو ہر صورت شکست دینا ہے۔غیرملکی خبررساں ادارے کے مطابق وہ گذشتہ روز اس وقت اسرائیلی پارلیمنٹ سے خطاب کر رہے تھے ،جب اقوام متحدہ اور کئی یورپی ملکوں سمیت پوری دنیا میں اسرائیل کی مذت کی جا رہی تھی کہ اس کی فوج نے بے گھر فلسطینیوں کے کیمپ پر حملہ کیا۔نیتن یاہو نے اگرچہ یہ بھی کہا ہے کہ پناہ گزینوں پر رفح میں حملہ افسوسناک حادثہ تھااور اس کی فوجی تحقیقات کرائی جارہی ہیں ۔،مگر اسی سانس میں انہوں نے اپنے اوپر اندرونی و بیرونی دبا کی مذمت کی ہے۔ فوج کا کہنا کہ اسے انٹیلی جنس اطلاعات تھی کہ اس کیمپ میں دو جنگجو تھے۔اس وجہ سے اسرائیلی فوج نے سینکڑوں کی تعداد والے اس پناہ گزین کیمپ پر بمباری کی اور خیموں کو آگ لگ گئی۔
