مقبوضہ بیت المقدس(این این آئی)غزہ کی وزارتِ صحت نے بتایا ہے کہ غزہ پر سات اکتوبر سے شروع ہونے والی اسرائیلی جارحیت میں سات ماہ سے زیادہ عرصے کے دوران شہید فلسطینیوں کی تعداد 36,000 سے زائد ہو چکی ہے۔غیرملکی خبررسان ادارے کے مطابق ایک بیان میں وزارت نے کہاکہ تنازعے میں اب تک 36,050 افراد شہید ہو چکے ہیں جن میں گذشتہ 24 گھنٹوں کے دوران ہونے والی 66 اموات شامل ہیں۔ وزارت نے کہا کہ سات اکتوبر کے حملے کے نتیجے میں جنگ شروع ہونے کے بعد سے غزہ کی پٹی میں 81,026 افراد زخمی ہو چکے ہیں۔
