تہران(این این آئی)ایران نے یمن کے حوثیوں کو سمندر سے لانچ کیے جانے والے بیلسٹک میزائل میزائل فراہم کیے ہیں۔ یہ انکشاف ایرانی خبر رساں ادارے کی ایک تازہ رپورٹ میں کیا گیا ہے۔اس بیلسٹک کا نام غدر رکھا گیا ہے جسے بغاوت کے ہم معنی بھی سمجھا جاتا ہے، یہ ایرانی بیلسٹک میزائل سمندر سے مار کرنے کی صلاحیت رکھتا ہے۔ حوثیوں کی کارروائیوں کا دائرہ بھی زیادہ تر بحیرہ احمر ہے۔دوسری جانب ایرانی وزارت خارجہ نے ابھی اس بارے میں کوئی تبصرہ نہیں کیا ہے۔ ماضی میں ایران کی حوثیوں کے لیے حمایت موجود ہے مگر ایران اس امر سے انکار کرتا ہے کہ ایران انہیں اسلحہ بھی دیتا ہے۔ یہ گروپ پچھلے کئی ماہ سے بحیرہ احمر میں اسرائیل اور اس کے اتحادیوں کو نشانہ بنا رہا ہے۔
