اسلام آباد (این این آئی)وفاقی وزیر برائے انسداد منشیات بریگیڈئیر ریٹائرڈاعجاز شاہ نے کہاہے کہ منشیات فروشوں کے ساتھ کسی قسم کی رعایت نہیں برتی جائے گی،ہماری نوجوان نسل کی زندگیوں سے کھیلنے والوں کو عبرت کا نشان بنایا جائے گا،تعاون نہ کرنے یا شریک جرم ہونے کی صورت میں متعلقہ ایس ایچ اوز کے خلاف کاروائی ہوگی ـ وفاقی وزیر برائے انسداد منشیات بریگڈ ئیر (ریٹا ئرڈ) اعجاز احمد شاہ نے اے این ایف ہیڈ کوارٹر، راولپنڈی کا دورہ کیا۔وفاقی وزیر کا وزارت انسداد منشیات کا قلمدان سنبھا لنے کے بعد اے این ایف ہیڈ کوارٹر، راولپنڈی کا پہلا دورہ تھا، ان کی آمد پر ڈائریکٹر جنرل اے این ایف میجر جنرل محمد عارف ملک، ہلال امتیاز (ملٹری) اور اے این ایف کے اعلی افسران نے ان کا استقبال کیا۔ یہاں یہ ذکر کرنا ضروری ہے کے وفاقی وزیر بریگڈئیر (ریٹائرڈ) اعجاز احمد شاہ نومبر 1996 سے دسمبر 1998تک بطور فورس کمانڈر اے این ایف پنجاب بھی خدمات در انجام دے چکے ہیں اور قابل قدر خدمات کی بدولت انہیں ستارہ بسالت سے بھی نوازا گیا۔ڈائریکٹر جنرل اے این ایف میجر جنرل محمد عارف ملک، ہلال امتیاز (ملٹری) نے وفاقی وزیر کو اے این ایف کے بارے میں تفصیلی بریفنگ دی، جس میں اے این ایف کی طرف سے منشیات کی اسمگلنگ کے خلاف کی جانے والی کاوشیں، موجودہ صورتحال، اے این ایف کی پیشہ ورانہ کامیابیاں، درپیش مسائل اور منشیات، نشہ آور اشیاء کی سمگلنگ کے امور شامل تھےـ وفاقی وزیر انسداد منشیات اعجاز احمد شاہ نے کہا کہ ہماری نوجوان نسل منشیات کے مسئلے کا سب سے بڑا نشانہ بنتی ہےـ تعلیمی اداروں میں آگہی مہم کا فوری آغاز کیا جائے جس سے نوجوان نسل کو منشیات کے نقصانات کا اندازہ ہوسکےـ ان کا کہنا تھا کہ ملک بھر میں کاروائی کا فوری آغاز کیا جائے ـ وفاقی وزیر نے اے این ایف کی افرادی قوت اور دیگر وسائل کی فراہمی میں ہر ممکن تعاون کا یقین دلایاـ وفاقی وزیر نے ہدایت کی کہ منشیات کے عادی افراد کی صحت و بحالی کے لئے ملک بھر میں ادارے قائم کرنے کی ہدایت جاریـ ان تمام احکامات کو عملی جامہ پہنانے کے لئے فوری فریم ورک تیار کیا جائےـ
مقبول خبریں
محسن نقوی کانیشنل کرائم ایجنسی ، فارن کامن ویلتھ اینڈ ڈویلپمنٹ آفس اور کابینہ...
لندن(این این آئی)وفاقی وزیرداخلہ محسن نقوی نے نیشنل کرائم ایجنسی ، فارن کامن ویلتھ اینڈ ڈویلپمنٹ آفس اور کابینہ آفس نیشنل سیچوایشن سنٹر کا...
حج عملہ عازمین حج کی خدمت کے لیے پوری لگن سے کام کرے، وزیر...
اسلام آباد (این این آئی)وفاقی وزیر برائے مذہبی امور و بین المذاہب ہم آہنگی چوہدری سالک حسین نے حج ویلفیئر سٹاف پر زور...
وزیراعظم کی دورہ چین کے دوران نتیجہ خیز بزنس ٹو بزنس ملاقاتوں کے حوالے...
اسلام آباد (این این آئی)وزیراعظم محمد شہباز شریف نے دورہ چین کے دوران نتیجہ خیز بزنس ٹو بزنس ملاقاتوں کے حوالے سے جامع...
وزیراعظم شہباز شریف 4 سے 8 جون تک چین کا سرکاری دورہ کریں گے،...
اسلام آباد (این این آئی)پاکستان کے دفتر خارجہ نے کہا ہے کہ وزیر اعظم شہباز شریف 4 سے 8 جون تک چین کا سرکاری...
پی ٹی آئی کو جلسے کی اجازت، اسلام آباد ہائیکورٹ نے توہین عدالت کی...
اسلام آباد (این این آئی)اسلام آباد ہائی کورٹ نے پاکستان تحریک انصاف کو روات جی ٹی روڈ پر جلسے کی اجازت ملنے پر ڈپٹی...