لاہور( این این آئی)ویمن چیمبر آف کامرس کی صدر رخسانہ ظفر نے کہا ہے کہ کاروبار کرنے والی خواتین کے مسائل کا حل اولین ترجیح ہے جس کے لئے کوئی کسر اٹھا نہیں رکھی جائے گی ، خواتین ہماری آبادی کا نصف سے بھی زائد ہیں اس لئے حکومت انہیں ملک کی ترقی کیلئے قومی دھارے میں شامل کرے۔ ان خیالات کااظہار انہوںنے سالانہ انتخابات میںکامیاب ہونے پر مبارکباد دینے آنے والی خواتین کے وفد سے گفتگو کرتے ہوئے کیا ۔ اس موقع پر سینئر نائب صدر فائزہ نبیل اورنائب صدر زرتاشیہ عمر ،ایگزیکٹوکمیٹی ممبران لبنی بھائت، شگفتہ رحمان، شائستہ ریاض،حنا فوزیہ ، قیصرہ شیخ، سیم علی وادا، شہلہ حامد، آمنہ خرم اور ملیحہ اکمل سمیت دیگر بھی موجود تھیں
