اسلام آباد (این این آئی)وزیر خارجہ مخدوم شاہ محمود قریشی نے کرسمس کے حوالے سے مسیحی کمیونٹی کومبارک باد دیتے ہوئے کہاہے وطن عزیز میں بسنے والی اقلیتوں کو وہ تمام حقوق حاصل ہیں جو اسلام نے انہیں دیئے ہیں،پاکستان دنیا کا واحد ملک ہے جس کے قومی پرچم میں اقلیتوں کو نمائندگی دی گئی ہے، اسلامی تعلیمات کے مطابق تمام مخلوقات برابر ہیںاور اقلیتوں کو مساوی حقوق کی فراہمی ہمارے ایمان کا حصہ ہے۔ پاکستان میں اقلیتوں کو برابر حقوق حاصل ہیں۔آئین پاکستان بھی اقلیتوں کے یکساں حقوق کا محافظ ہے۔ اس کے برعکس ہمسائیہ ملک بھارت جو اپنے آپ کوسیکولر اورانسانی حقوق کا علمبردار کہتا ہے۔ وہاں پر اقلیتوں کے ساتھ امتیازی سلوک روا رکھا جا رہا ہے اوراس وقت کشمیر اور بھارت کے اندر اقلیتوں کے ساتھ جو سلوک کیا جا رہا ہے و ہ دنیا کے سامنے ہے۔ حکومت پاکستان اقلیتوں میں کوئی فرق نہیں رکھتی اور انہیں ان کے مذہب کے مطابق زندگی گزارنے کے لئے بھر پور مواقع فراہم کررہی ہے۔ اور پاکستان میںاقلیتی برادر ی بھی ملکی ترقی و خوشحالی میں بھر پور کردار ادا کررہے ہیں۔انہوں نے کہا بین المذاہب ہم آہنگی وقت کی اہم ضرورت ہے۔ تب ہی ہم دنیا سے انتہا پسندی ‘ دہشت گردی جیسے چیلنجز سے بخوبی نبر آزمائ ہو سکتے ہیں۔ انہوں نے کہا اسلام ایک امن پسند ملک ہے جو اقلیتوں کے ساتھ احترام ‘ محبت اور خلوص کیساتھ پیش آنے کا درس دیتا ہے۔ انہوں نے کہا ہم کرسمس کے موقع پر اپنی مسیحی برادری کو مبارک باد پیش کرتے ہیں اور ان کے لئے نیک خواہشات کا اظہار کرتے ہیں۔ انہوں نے کہا ہم سب نے مل جل کر وطن عزیز کی ترقی و خوشحالی کیلئے کام کرناہے اور اسے عظیم اسلامی ‘ معاشی ‘ فلاحی ریاست بنانا ہے۔ جس کا خواب بانی پاکستان محمد علی جناح نے دیکھا تھا
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...