اسلام آباد (این این آئی)چیئرمین کشمیر کمیٹی شہریار آفریدی نے متحدہ عرب امارات کے سفیر حمد عبید ابراہیم الزابی سے ملاقات کی جس میں باہمی ہم آہنگی کے خیالات پر گفتگو کی گئی ۔ شہر یار آفریدی نے کہاکہ وزیر اعظم عمران خان متحدہ عرب امارات اور پاکستان کے درمیان باہمی تعلقات کے فروغ کیلئے خصوصی دلچسپی رکھتے ہیں۔ شہر یار آفریدی نے کہاکہ متحدہ عرب امارات اور پاکستان مضبوط تاریخی، مذہبی اور ثقافتی رشتوں میں بندھے ہیں،کوئی طاقت ان رشتوں میں دراڑ نہیں ڈال سکتی۔ شہریار آفریدی نے کہاکہ متحدہ عرب امارات کا پاکستان سے تعلق بے مثال ہے۔ سفیر حمد عبید ابراہیم نے کہاکہ پاکستانی کمیونٹی کی متحدہ عرب امارات کی ترقی میں خدمات کو خراج تحسین پیش کرتے ہیں۔
