گروزنی(این این آئی )روس کی مسلم اکثریتی جمہوریہ چیچنیا کے دارالحکومت گروزنی میں دہشت گردوں کے حملے اور سکیورٹی فورسز کی جوابی کارروائی میں تین افراد ہلاک ہوگئے ۔میڈیارپورٹس کے مطابق اس شورش زدہ جمہوریہ کے صدر رمضان قادریوف نے بتایا کہ گروزنی کے وسط میں چاقوں سے مسلح دو دہشت گردوں نے پولیس سے ہتھیار چھیننے کی کوشش کی تھی لیکن سکیورٹی اہلکاروں نے انھیں گولی مار کر ہلاک کردیا ۔انھوں نے مزید بتایا کہ ان دہشت گردوں کے چاقوحملے میں ایک افسر مارا گیا ہے اور ایک زخمی ہوگیا ہے۔دونوں حملہ آور سگے بھائی تھے اور ہمسایہ جمہوریہ انگشتیا سے 2012 میں چیچنیا میں منتقل ہوئے تھے۔چیچنیا کی سکیورٹی فورسز کے ایک افسر پر نی متسوف کو کریملن سے متصل ایک پل پر گولی مارنے کے الزام میں مقدمہ چلایا گیا تھا اور عدالت نے اس افسر کو قصور وار ثابت ہونے پر بیس سال قید کی سزا سنائی تھی۔
