اوگرا کی یکم جنوری سے پیٹرول 2 روپے 96 پیسے فی لیٹر مہنگا کرنے کی سفارش

0
199

اسلام آباد(این این آئی)اوگرا نے یکم جنوری سے پیٹرول 2 روپے 96 پیسے فی لیٹر مہنگا کرنے کی سفارش کر دی ۔ ذرائع کے مطابق یکم جنوری سے پیٹرولیم مصنوعات مہنگی ہونے کا امکان ہے، اس حوالے سے اوگرا نے سمری پیٹرولیم ڈویژن کو بھجوادی ، وزارت خزانہ وزیر اعظم سے مشاورت کے بعد حتمی فیصلہ اور جمعرات کو نئی قیمتوں کا اعلان کرے گی۔اوگرا کی جانب سے پیٹرولیم ڈویژن کو بھیجی گئی سمری میں پیٹرول 2 روپے 96 پیسے فی لیٹر اور ہائی اسپیڈ ڈیزل 3 روپے 12 پیسے فی لیٹر مہنگا کرنے کی تجویز ہے، ذرائع کے مطابق مٹی کا تیل اور لائٹ ڈیزل کی قیمت بھی اضافہ ہوسکتا ہے۔