لاہور( این این آئی) نامور اداکار احسن خان نے کہا ہے کہ کسی ادا کارکا سکینڈل یونہی نہیں بن جاتا بلکہ دال میں ضرور کچھ کالا ہوتا ہے ،کچھ لوگ خود سکینڈل بنانے کا موقع فراہم کرتے ہیں۔ ایک انٹرویو میں احسن خان نے کہا کہ خدا کی ذات کا شکر ہے کہ میرا کبھی کوئی سکینڈل نہیں بنا کیونکہ میں صرف اپنے کام سے کام رکھتا ہوں۔ شوبز میں دوستیاں ہو جانا انہونی بات نہیں لیکن دوستی کی بھی ایک حد مقر رہے اور اس سے آگے جائیں گے تو پھر لازمی سکینڈل بنتے ہیں ۔ انہوں نے کہا کہ میں سکینڈلز سے گھبراتا ہوں اور میری کوشش ہے جس قدر ہو سکے ان سے دور رہوں اور اب تک کامیاب رہا ہوں۔
