لاہور (این این آئی )نامور اداکارہ خوشبو نے کہا ہے کہ سفارش اور شارٹ کٹ کی قائل نہیں اور کوئی شخص یہ نہیں کہہ سکتا کہ اس نے مجھے اپنے لئے سفارش کرتے ہوئے دیکھا ہو ، محنت سے حاصل کی گئی شہرت اثاثہ ہوتی ہے ۔ ایک انٹر ویو میں خوشبو نے کہا کہ میں اپنے جونیئرز کو بھی مشورہ دیتی ہوں کہ وہ شوبز میں محنت سے مقام حاصل کریں کیونکہ انسان شارٹ کٹ سے بہت جلدی آگے نکل جاتا ہے لیکن اسی رفتار سے واپس بھی آجاتا ہے اور محنت سے حاصل کی گئی شہرت صدا آپ کے پاس ایک خزانہ کی شکل میں موجود رہتی ہے ۔ خوشبو نے کہاکہ کورونا وباء کی وجہ سے ہر شعبے کے لئے مشکلات پیدا ہوئی ہیں اور تھیٹر بھی اس سے بری طرح متاثر ہوا ہے ۔ خدا کی ذات سے دعا ہے کہ اس وباء سے جلد مکمل چھٹکارا ملے۔
