لاہور( این این آئی)فیڈریشن آف پاکستان چیمبرز آف کامرس اینڈ انڈسٹری کے صدر انجم نثار نے حکومت اور نجی شعبے پر زور دیا ہے کہ جنگلات کا رقبہ 5 فیصد سے بڑھا کر 25 فیصد کرنے کیلئے مشترکہ کوششوں کو تیز کرنے کی ضرورت ہے تاکہ فرنیچر انڈسٹری کی بڑھتی ہوئی ضروریات کو پورا کیا جاسکے،سیالکوٹ میں 12 ویں 3 روزہ انٹیریئرز پاکستان ایکسپو کے کامیاب انعقاد پر پاکستان فرنیچر کونسل کے سی ای او میاں کاشف اشفاق کو مبارکباد دیتے ہوئے انجم نثار نے کہا کہ اس وقت کاغذ، فرنیچر اور مقامی صنعتوں کو سپلائی کے ضمن میں شدید مشکلات کا سامنا ہے جس سے نہ صرف ان کی مزید ترقی اور بین الاقوامی مسابقت بری طرح متاثر ہو رہی ہے۔ انجم نثار نے کہا کہ لکڑی سپلائی کم ہونے کی وجہ سے مارکیٹیں چپ بورڈ کی فینسی شیٹوں سے بنے سستے فرنیچر سے بھری پڑی ہیں۔ شیشم اور دیگر لکڑی مہنگی ہونے کی وجہ سے اس کا فرنیچر کافی مہنگا ہے اس لئے یہ صرف منتخب خریداروں کے لئے بنایا جاتا ہے۔ میاں کاشف اشفاق نے کہا کہ فرنیچر کی فروغ پذیر صنعت کے تقاضوں کو پورا کرنے کیلئے نجی شعبے اور حکومت کو مشترکہ طور پر میدانی، پہاڑی اور دیگر خالی علاقوں میں بڑے پیمانے پر شجرکاری کی ضرورت ہے۔ جنگلات کے کم رقبے کی وجہ سے مجموعی قومی پیداوار میں اس شعبے کا حصہ صرف 0.3 فیصد ہے۔ انٹیرئیرز پاکستان میگا نمائش کو شاندار تجربہ قرار دیتے ہوئے کہا کہ اور اس کا مقصد فرنیچر سیکٹر میں تجارت کے حجم کو بڑھانے کے لئے نئے مواقع تلاش کرنا ہے۔
مقبول خبریں
دہشتگردی سے قومی سلامتی ، علاقائی امن و خوشحالی کو خطرہ ، پڑوسی ممالک...
اسلام آباد (این این آئی)صدر مملکت آصف علی زر داری نے کہاہے کہ دہشت گردی سے ہماری قومی سلامتی ، علاقائی امن و خوشحالی...
محسن نقوی کا غیر موثر اور زائد المیعاد شناختی کارڈز پر جاری شدہ موبائل...
اسلام آباد (این این آئی)وفاقی وزیر داخلہ محسن نقوی نے غیر موثر اور زائد المیعاد شناختی کارڈز پر جاری شدہ موبائل سمز کو بند...
برطانوی ہائی کمشنر کی مقبول صدیقی سے ملاقات ، تعلیم کے حوالے سے تبادلہ...
اسلام آباد (این این آئی)پاکستان میں برطانوی ہائی کمشنر جین میریٹ نے وفاقی وزیر برائے وفاقی تعلیم اور پیشہ ورانہ تربیت ڈاکٹر خالد مقبول...
نومئی کے حملہ آور آج ملکی مفاد پر حملہ آور ہیں، عطااللہ تارڑ
اسلام آباد (این این آئی)وفاقی وزیر اطلاعات و نشریات عطااللہ تارڑ نے کہا ہے کہ 9 مئی کے حملہ آور آج ملکی مفاد پر...
وزیراعظم شہبازشریف نے بدرشہبازوڑائچ کو اپنا میڈیا کوآرڈینیٹر مقرر کردیا
لاہور( این این آئی) وزیراعظم شہبازشریف نے بدرشہبازوڑائچ کو اپنا میڈیا کوآرڈینیٹر مقرر کردیا ۔ کابینہ ڈویژن نے بدر شہبازکی وزیراعظم کے میڈیا کوآرڈینیٹر...