اسلام آباد (این این آئی)سینیٹر شیری رحمان نے سینیٹ انتخابات کے حوالے سے کہا ہے کہ ہم سینیٹ انتخابات میں شفافیت چاہتے ہیں،شفافیت پر کسی کو اعتراض نہیں ،سارے عمل میں شراکت داری کی ضرورت ہے،وزیراعظم اور حکومت پارلیمان کو اعتماد میں لیتے تو ہم میثاق جمہوریت سے آگے جاتے،یہ قومی اسمبلی کو تباہ کر کے سینیٹ کو تباہ کرنا چاہتے ہیں۔انہوں نے کہا کہ انتخابات میں شفافیت پر کسی کو اعتراض نہیں ہے، اس سارے عمل میں شراکت داری کی ضرورت ہے۔انہوں نے کہا کہ میثاق جمہوریت کے 70 فیصد فیصلوں پر پیپلز پارٹی حکومت نے عمل کیا۔انہوں نے کہا کہ ہم سینیٹ انتخابات میں شفافیت چاہتے ہیں لیکن آپ عجلت میں فیصلے نہیں لے سکتے۔ شیری رحمان نے کہاکہ ان کے ایم پی ایز ان کے قابو میں نہیں ہیں، ایک طرف معاملہ عدالت میں ہے دوسری طرف آپ ترمیم لا رہے ہیں۔انہوں نے کہا کہ یہ قومی اسمبلی کو تباہ کر کے سینیٹ کو تباہ کرنا چاہتے ہیں۔انہوں نے کہا کہ صدر بائیڈن نے اپنی تقریر میں 11بار اتحاد کی بات کی، یہاں یہ کہتے ہم ان سے این آر او مانگ رہے۔انہوں نے کہا کہ جس کے پاس دو تہائی اکثریت نہیں وہ یہ بل کیسے لا رہے ہیں۔
