لاہور( این این آئی)ناموراداکارہ و میزبان روبی انعم نے کہا ہے کہ ہمیشہ خدا پر توکل رکھا ہے اور اس ذات نے مجھے کبھی مایوس نہیں کیا ، پیٹھ پیچھے کسی کی برائی کرتی ہوں اور نہ کسی سے حسد رکھاہے کیونکہ دونوں بیماریاں انتہائی موذی ہیں۔ خصوصی گفتگو کرتے ہوئے روبی انعم نے کہاکہ جب انسان معمول کی زندگی گزارنے میں مصروف ہوتاہے تو اسے صحت کی اہمیت کا اندازہ نہیں ہوتا اورجیسے ہی اسے کسی بیماری کا جھٹکالگتا ہے تو پھر وہ سوچتاہے واقعی تندرستی او رصحت ہزار نہیں بلکہ اربوں ، کھربوں کی نعمت ہے اور پھروہ خدا کی ذات کاشکرادا کرتا ہے ۔ انہوں نے کہا کہ جب مجھے دل کا عارضہ لا حق ہوا تو میرے بھی یہی احساسات تھے اورخدا کی شکر گزارہوں جس پاک ذات نے مجھے نئی زندگی اورصحت و تندرستی عطا کی ۔ روبی انعم نے کہا کہ زندگی مسلسل جستجو کا نام ہے کوئی مثبت اورکوئی منفی جستجو کرتا ہے اور اس کا پھل بھی ویسا ہی ملتا ہے ،مثبت جستجو کرنے والے مستقبل میں ذہنی پریشانیوں سے بچے رہتے ہیں۔
