ممبئی (این این آئی) بھارت کی مراٹھی فلم انڈسٹری کے معروف اداکار اویناش کھرشکر اچانک دل کا دورہ پڑنے سے 68 برس کی عمر میں دارِ فانی سے کْوچ کرگئے۔ بھارتی میڈیا رپورٹس کے مطابق اویناش اپنے مزاحیہ کرداروں کی وجہ سے شہرت رکھتے تھے۔ اْنہیں دو روزز قبل دل میں تکلیف ہونے پر نجی ہسپتال منتقل کیا گیا تاہم وہ جانبر نہ ہوسکے۔اداکار اویناش کھرشکر 1978 سے مراٹھی فلم انڈسٹری سے وابستہ تھے، انہوں نے کئی سپر ہٹ مراٹھی فلموں میں بھی اداکاری کے جوہر دکھائے۔
