ممبئی (این این آئی)بالی ووڈ کے شہنشاہ کے ہر کام میں اپنا ہی ایک انداز ہوتا ہے، اس مرتبہ انھوں نے کورونا وائرس کا ویکسین لگانے کی ترغیب دینے کے لیے ایک پر مزاح طریقہ اپنایا۔ امیتابھ بچن ویسے بھی سوشل میڈیا پر اپنے لاکھوں فالوورز کو انٹرٹین، ایجوکیٹ اور کچھ سکھانے میں کبھی پیچھے نہیں رہتے۔اس مرتبہ انھوں نے اپنے انسٹا گرام پر ایک پوسٹ شیئر کی جس میں تصاویر کا ایک آرٹ بنایا، ان تصاویر میں اطالوی مصور لیونارڈو ڈاونچی کی شاہکار مونالیزا کی پینٹنگ بھی موجود تھی۔اس موقع پر موجود لوگ اس وقت حیران رہ جب اس پورٹریٹ کو ویکسین لگاتے ہوئے دکھایا گیا، جسے دیکھ کر سوشل میڈیا فینز بہت محظوظ ہوئے، اس دوران امیتابھ بچن کا کہنا تھا کہ کوئی ویکسین لگانے سے باقی نہیں رہنا چاہیے۔
