اسلام آباد (این این آئی)سینٹ اطلاعات و نشریات کمیٹی کے چیئرمین سینیٹر فیصل جاوید نے گوجرانوالہ میں ہونے والے اپوزیشن کے جلسے پر تبصرہ کرتے ہوئے کہا ہے کہ اس جلسے سے زیادہ لوگ تو فواد کھگا کے ولیمے پر آئے تھے۔خیال رہے کہ فواد کھگا اداکار ہمایوں سعید کا ایک کردار ہے جو انہوں نے فلم پنجاب نہیں جاؤں گی میں ادا کیا تھا۔سینیٹر فیصل جاوید نے کہاکہ اچھا ہے یہ ایس او پیز کا خیال رکھ رہے ہیں اور لوگوں کو ایک دوسرے سے دور دور کھڑا کیا ہے۔پی ٹی آئی کے سینیٹر فیصل جاوید نے کہا کہ کورونا سے پہلے بھی یہ ایسا ہی کرتے تھے تاکہ زیادہ لوگ نظر آئیں۔ انہوں نے کہا کہ گیارہ پارٹیاں مل کر بھی کچھ نہیں کرسکی ہیں۔
