لاہور( این این آئی)نامور اداکار عمران اشرف نے کہا ہے کہ کامیابی کسی مارکیٹ سے نہیں ملتی اس کیلئے دن رات محنت کرنا پڑتی ہے ،میرا ایمان کی حد تک یقین ہے کہ آپ سچی نیت اور لگن سے محنت کریں خدا کی ذات آپ کی محنت کو کبھی رائیگاں نہیں جانے دے گا ۔ ایک انٹرویو میں عمران اشرف نے کہا کہ مجھے یادہے کہ میں نے اپنے کرئیر کے آغازمیں چھوٹے چھوٹے کرداربھی ادا کئے لیکن اپنی محنت جاری رکھی اور پھر وہ دن بھی آیا جب میں نے مرکزی کردار نبھائے ، صرف میں ہی نہیں بہت سے فنکار ایسے ہیں جو اس طرح اپنا منزل تک پہنچے ہیں ۔ عمران اشرف نے کہا کہ سینئرز کا احترام کرتا ہوں اورکوشش ہوتی ہے کہ اپنی کام سے کام رکھوں، جب آپ خود کو دوسرے معاملات میں الجھا لیتے ہیں تو پھر آپ اپنے کام پر توجہ مرکوز نہیں کر سکتے۔
