لاہور( این این آئی)نامور اداکارہ ریشم نے کہا ہے کہ انسان کو زندگی گزارنی نہیںبلکہ جینی چاہیے ،زندگی خدا کا بہت خوبصورت تحفہ ہے اور اسے گزارنے کیلئے بیزاری کا عنصر نہیںہوناچاہیے ۔ ایک انٹر ویو میںریشم نے کہا کہ ہرانسان کی زندگی میںاچھے اوربرے حالات آتے ہیں اس لئے صرف اچھے وقت میں خوش نہیں رہنا چاہیے بلکہ جب مشکلات حالات ہوںتب بھی اطمینان ہونا چاہیے اور رب کی ذات پر بھروسہ کرنا چاہیے۔ انہوںنے کہا کہ میرے اوپر بڑے بڑے مشکل حالات آئے ہیںلیکن اس کے باوجود میںنے زندگی کو بھرپو ر طریقے سے انجوائے کیا ہے۔زندگی ایک بارملنی ہے پھر اسے کیوں کسی خوف ،تذبذب اور بیزاری کی نذرکیا جائے ۔ریشم نے کہا کہ میرے دوستوںکاحلقہ احباب بہت بڑا ہے اورمیری کوشش ہوتی ہے کہ ان کے ساتھ وقت گزاروں،میرے اردگرد جو بھی لوگ ہیں سب زندگی کو بھرپور انجوائے کرتے ہیں۔
