لاہور(این این آئی) وزیر صحت پنجاب ڈاکٹریاسمین راشدنے این اے 125کی یوسی 55میں سیوریج کے منصوبے کا افتتاح کیا۔اس موقع پر میاں حامد محمود،جاویداکرم ٹونی،چیئرمین عبدالغفورپپو،شہزادنمبردار،میاں ندیم،رانانسیم ودیگر کارکنان کے علاوہ واسااور ایل ڈبلیوایم سی کے افسران موجودتھے۔کارکنان نے وزیر صحت ڈاکٹریاسمین راشدکا پھولوں کی پتیوں سے استقبال کیا۔واسا کے افسران نے وزیر صحت ڈاکٹریاسمین راشدکو سیوریج کے منصوبہ سے متعلق تفصیلات سے آگاہ کیا۔صوبائی وزیر صحت ڈاکٹریاسمین راشدنے کہاکہ این اے 125کی یوسی55میں سیوریج کا منصوبہ حکومت کی جانب سے عوام کیلئے تحفہ ہے۔یوسی55میں سیوریج کے منصوبہ کے بعد لاکھوں رہائشیوں کو صاف پانی کی سہولت حاصل ہوگی۔ڈاکٹریاسمین راشدنے کہاکہ یوسی55میں سیوریج کانیا نظام اہل علاقہ کاعرصہ درازسے دیرینہ مطالبہ تھا۔وزیراعظم عمران خان اور وزیراعلی پنجاب سردارعثمان بزدارعوام کو بنیادی ضروریات زندگی کی فراہمی میں پیش پیش ہیں۔وزیراعظم عمران خان کے سپاہی ہونے کے ناطے پنجاب کی عوام کو صحت کے شعبہ میں ریلیف دے رہے ہیں۔صوبائی وزیر صحت نے کہاکہ عمران خان پہلے دن سے عوام کی بہتری کیلئے اقدامات کررہے ہیں۔عمران خان نے عوام کی بہتری کے اقدامات کرکے اپنے آپ کو عوامی لیڈرثابت کیاہے۔تحریک انصاف کی حکومت عوام کا پیسہ عوام پر خرچ کرنے پر مکمل یقین رکھتی ہے۔صوبائی وزیر صحت نے مزیدکہاکہ پنجاب کی عوام کو سات اسٹیٹ آف دی آرٹ مدراینڈ چائلڈ ہسپتال دے رہے ہیں۔حکومت عوام کی فلاح وبہبودکیلئے ہراقدام اٹھائے گی۔تحریک انصاف کی حکومت ہی پاکستانی عوام کو معاشی بحرانوں سے نکال سکتی ہے۔ یوسی55 کے اہل علاقہ نے سیوریج کا منصوبہ شروع کرنے پر وزیر صحت ڈاکٹریاسمین راشدکی کادشوں کو سراہااور کہاکہ ماضی کی کسی حکومت نے اس علاقہ کے دیرینہ مسائل حل کرنے کی کوشش نہیں کی۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...