لاہور( این این آئی)سول ایوی ایشن اتھارٹی نے ملک کے بڑے ایئرپورٹس پر جدید سکیورٹی مشینری نصب کرنے کا فیصلہ کیا ہے ۔جدید ہینڈ اور ہولڈ بیگجز اسکیننگ مشینیں حاصل کرنے کیلئے خواہشمندکمپنیز، کنسلٹننسی فرمز سے ٹینڈر کی درخواستیں بھی طلب کر لی گئی ہیں۔سی اے اے کے مطابق 60 اسکیننگ مشینیوں کے لئے سیفٹی اور سکیورٹی معیار بین الاقوامی سول ایوی ایشن آرگنائزیشن، یورپی ایوی ایشن سیفٹی ایجنسی اور ٹی ایس اے کے مطابق ہونا لازمی ہے۔خواہش مند کمپنیز کو اسکیننگ مشینوں کے ضمن میں بین الاقوامی ایوی ایشن اداروں کے اسٹینڈرڈ ون، ٹو اور تھری پر مبنی معیار کو ملحوظ خاطر رکھنا ہوگا ، دلچسپی کی حامل کمپنیاں ٹینڈر کی مکمل تفصیلات اور دستاویزات کے ہمراہ درخواستیں جمع کراسکتی ہیں۔
