لکھنئو(این این آئی)بھارتی ریاست اتر پردیش کے ضلع سدھارتھ نگر میں نامعلوم مسلح افراد نے مسجد میں عبادت میں مصروف 55سالہ مسلمان کو گولی مارکر شہید کردیا۔بھارتی ٹی وی کے مطابق ایڈیشنل سپرنٹنڈنٹ پولیس سریش چند راوت نے میڈیا کو بتایا کہ ضلع کے علاقے چلیہ کے گائوں کولوا میں نامعلوم افراد نے نماز فجر کی ادائیگی کیلئے مسجد میں موجود 55سالہ مسلمان کو عقب سے گولی مار کر شہید کردیا۔انہوں نے بتایا کہ 55سالہ مسلمان قرآن پاک کی تلاوت میں مصروف تھا جب پیچھے سے اسے گولی ماری گئی ۔ انہوں نے بتایا کہ پولیس نے موقع پر پہنچ کر لاش کو پوسٹ مارٹم کے لیے بھیج دیا ہے اور مزید تحقیقات کی جارہی ہیں ۔تاہم ابھی تک کوئی گرفتاری عمل میں نہیں لائی گئی ہے ۔
