لاہور(این این آئی)پاکستان میں مقبول ہونیوالی فلم پرواز ہے جنوں کو 13 نومبر 2020 کو چین میں ریلیز کیا جائے گا۔فلم پرواز ہے جنوں گزشتہ 3 دہائیوں کے دوران پہلی پاکستانی فلم ہوگی جو چین میں تجارتی بنیادوں پر ریلیز کی جائے گی۔اداکار حمزہ عباسی نے اللّٰہ کا شکر ادا کرتے ہوئے کہا کہ میں پروردگار کا شکرگزار ہوں کہ میں ایک ایسی فلم کا حصہ رہا جو 40 برس بعد چین میں ریلیز کی جانے والی پہلی پاکستانی فلم ہے۔اس فلم کو 2018 میں پاکستان میں ریلیز کیا گیا تھا اور اب اسے چین میں ریلیز کیا جارہا ہے جو پاکستانی فلمز کے حوالے سے ایک بہت بڑی پیش رفت ہے۔فلم میں اداکار حمزہ علی عباسی، ہانیہ عامر اور احد رضا میر نے مرکزی کردار ادا کیے تھے اور اسے دو سال قبل عیدالاضحیٰ کے موقع پر پاکستان میں ریلیز کیا گیا تھا،فلم اگلے ماہ 13 نومبر کو چین کے سینماؤں میں ریلیز کی جائے گی
