کراچی (این این آئی)پاکستان شوبز انڈسٹری کی مقبول ترین جوڑی سجل علی اور احد رضا میر کی بالی ووڈ اداکار نواز الدین صدیقی کے ساتھ تصویر سوشل میڈیا پر وائرل ہوگئی۔گزشتہ روز دبئی میں ‘فلم فیئر مِڈل ایسٹ اچیورز نائٹ’ کا انعقاد کیا گیا جس میں ایشیاء کے فنکاروں کو اْن کی بہترین کارکردگی پر ایوارڈز سے نواز ا گیا۔اس تقریب میں پاکستانی فنکاروں سمیت بالی ووڈ کے بھی اداکاروں نے شرکت کی۔اب سجل علی نے اپنی انسٹاگرام اسٹوری میں ایوارڈ شو میں لی گئی اپنی نئی تصویر شیئر کی ہے۔تصویر میں سجل علی کے ساتھ اْن کے شوہر احد رضا میر اور بالی ووڈ اداکار نواز الدین صدیقی بھی موجود ہیں۔واضح رہے کہ اداکارہ سجل علی اور احد رضا میر نے گزشتہ سال مارچ میں شادی کر لی تھی۔اپنی شادی کا اعلان اداکارہ سجل علی نے انسٹاگرام پر تصاویر پوسٹ کرتے ہوئے کیا تھا۔سجل علی اور احد رضا میر کی شادی کی تقریبات کئی روز تک جاری رہی تھیں جس میں صرف قریبی رشتہ داروں اور دوستوں نے ہی شرکت کی تھی۔
