لاہور( این این آئی)ناموراداکارہ نرگس نے کہا ہے کہ شوبز میں آنے کیلئے اپنے گھر والوںکے سامنے بڑی مزاحمت کی اوریہی نہیں بلکہ دھمکی کے طو رپر نیند کی گولیاںبھی کھا لی تھیں، اپنی ضدپر ڈٹے رہنے کی وجہ سے والد سے کئی بار مار بھی کھائی ہے۔ ایک انٹرویو میں نرگس نے کہا کہ مجھے شوبزمیں آنے کا جنون کی حد تک شوق تھا اور جب میں نے اپنی والدہ کے توسط سے والد سے شوبزکی میں جانے کی بات کی توانہوںنے سختی سے منع کر دیا ۔ میںبھی اپنی ضد پر قائم رہی اورکئی بار مار بھی کھائی اور آخری حربے کے طو رپر ایک بار نیند والی گولیاں بھی کھا لیں جسکے بعد والد محترم میری ضد کے سامنے ہار مان گئے اور میں شوبز کی دنیا میں آگئی ۔مجھے کامیابیاںملنے پر پھر والد صاحب بھی بہت خوش ہوئے ۔ انہوں نے کہا کہ خدا کی ذات دنیا میں وسیلے بناتا ہے اورمیں نے بھی کسی کے وسیلے سے اسٹیج اورفلم کی دنیا میں قدم رکھا اورمیں اس شخص کو ساری زندگی فراموش نہیں کر سکتی۔
