لاہور( این این آئی) پاکستان مسلم لیگ (ن)کے صدر شہباز شریف نے کہا ہے کہ دھماکا خیز خبر سے نواز شریف اور مریم نواز کو نشانہ بنانے کے پس پردہ بڑی سازش بے نقاب ہوئی ہے۔ٹوئٹر پر اپنے بیان میں سابق چیف جج گلگت بلتستان سے متعلق خبر پر ردعمل میں انہوںنے کہا کہ سچائی منکشف کرنے کا اللہ تعالی کا اپنا طریقہ ہے۔اس سچائی کا ظاہر ہونا عوام کی عدالت میں نواز شریف اور مریم نواز کی بے گناہی کا ایک اور ثبوت ہے۔
