کابل (این این آئی)طالبان نے کابل میں امریکی فورسز سے چھینی گئی بکتربند گاڑیوں کیساتھ فوجی پریڈ کی۔غیرملکی میڈیا کے مطابق طالبان نے کابل میں پریڈ کے دوران قبضے میں لئے گئے روسی ہیلی کاپٹرکی بھی نمائش کی،افغان وزارت دفاع کے ترجمان عنایت اللہ خوارزمی نے بتایا کہ پریڈ کا انعقاد ڈھائی سونئے فوجیوں کی تربیت مکمل ہونے پرکیا گیا،پریڈ میں طالبان نے درجنوں امریکی بکتربندگاڑیوں پرسوارہوکرشہرکی سڑکوں پرگشت کیا۔طالبان فوجیوں کے پاس امریکی اسلحہ بھی موجود تھا۔کابل میں طالبان کی فوجی پریڈ کے دوران قبضے میں لئے گئے روسی ہیلی کاپٹرنے پروازکی۔طالبان کے زیراستعمال اسلحے کی بڑی تعداد وہ ہے جوامریکا نے طالبان سے جنگ کے لئے افغان فورسزکوفراہم کیا تھا۔
