لاہور( این این آئی )معاون خصوصی وزیر اعلی پنجاب برائے اطلاعات و ترجمان پنجاب حکومت حسان خاور نے کہا ہے کہ عالمی فوڈ سکیورٹی انڈیکس میں مسلم لیگ (ن) کے تین سالہ دور کے مقالے میں تحریک انصاف کے تین سالہ دور میںپاکستان کی رینکنگ میں تین درجے بہتری ہوئی ۔ سماجی رابطے کی ویب سائٹ ٹوئٹرپر اپنے بیان میںحسان خاور نے کہا کہ دنیا بھر کے جریدے، ماہرین اور لیڈران پاکستان کی ترقی اور عوام دوست پالیسیوں کی تائید کر رہی ہے۔ اپوزیشن تعصب کی عینک اتارے تو پتہ چلے اور اسے حقیقت کا علم ہو، آج پی ٹی آئی کی بدولت پاکستان عالمی توجہ کا مرکز ہے۔ انہوںنے کہا کہ مسلم لیگ (ن)سطحی اقدامات سے ہر مسئلے کا حل نکالنے کی کوشش کی جس سے وسائل کا ضیاع ہوا اور مسائل جوں کے توں رہے۔ گڈ گورننس مسائل کا نہ ہونا نہیں بلکہ مسائل کے بروقت تدارک کا نام ہے۔
