لاہور( این این آئی)نامور اداکار حیدر سلطان نے نجی ٹی وی چینل کے مارننگ شو میں شرکت کرکے شوبز اورنجی زندگی کے حوالے سے گفتگو کی۔ مارننگ شوکی میزبانی جگن کاظم تھیں ۔ حیدر سلطان نے کہا کہ فلم انڈسٹری اب دوبارہ اپنی بحالی کی جانب گامزن ہے ۔ ضروری ہے کہ فلمیں بننے میں تعطل نہ آئے اور اس کے ساتھ فلموں کی ریلیز کے لئے سینما بھی میسر آئیں ۔انہوں نے کہا کہ حکومت کی جانب سے فلم پالیسی کااعلان خوش آئند ہے اورمجھے یقین ہے کہ اس سے زبوں حالی کا شکار فلم انڈسٹری کو تقویت ملے گی ۔
