لاہور( این این آئی)اداکارہ ریشم بھی سابق وزیر اعلیٰ پنجاب شہباز شریف کی کارکردگی کی معترف نکلیں۔ ایک ٹی وی شومیں گفتگو کرتے ہوئے ریشم نے کہا کہ اس بار ڈینگی وباء میںلوگوں کو شہباز شریف بہت یاد آئے ۔ جب ان کے دورمیں ڈینگی آیا تھاتوانہوںنے بروقت اور عملی اقدامات سے اس پر 15سے20دنوںمیں قابو پا لیا تھا ۔انہوںنے کہا کہ کسی جماعت سے وابستگی سے بالا تر ہو جس کی جو خدمات ہیں انہیں تسلیم کرنا چاہیے ۔انہوں نے کہا کہ شہباز شریف جذباتی اور حساس شخص ہیں اورجو شخص ایسا نہیں ہے وہ کسی کابھی خیال نہیں رکھ سکتا ۔ شہباز شریف جذبات اور حساس ہیں اس لئے ان کی بہت سی خدمات ہیں۔
