کراچی (این این آئی)معروف اداکار، ہدایت کار اور اسکرین رائٹر شمعون عباسی نے بالی وڈ سے فلم کی پیشکش کا انکشاف کیا ہے۔حال ہی میں اداکار ایک ویب شو میں شریک ہوئے جس میں ان سے ماضی میں بھارتی فلموں کی آفر سے متعلق سوال کیا گیا۔شمعون عباسی نے بتایا کہ انہیں بالی وڈ کے مایہ ناز ڈائریکٹر وِشال بھاردواج نے فلم کی پیشکش کی تھی۔دوران انٹرویو اداکار کا کہنا تھا کہ مجھ سے 2 بار رابطہ کیا گیا، پہلی مرتبہ وشال بھاردواج چاہتے تھے کہ میں ان کی فلم میں کام کروں جس میں میرے مدمقابل پریانکا چوپڑا تھیں۔انہوں نے بتایا کہ یہ فلم وقت کی کمی کی وجہ سے میں نہیں کرسکا تھا کیونکہ اس وقت میں پہلے ہی پاکستانی فلم ”وار” کی عکسبندی میں مصروف تھا، میرا اور پریانکا کا وقت سیٹ نہیں ہو پارہا تھا، جس کی وجہ سے مجھے معذرت کرنی پڑی۔شمعون نے بتایا کہ دوسری بار ہدایت کار رام گوپال ورما کی جانب سے مجھے فلم کی پیشکش ہوئی تھی، وہ چاہتے تھے کہ میں ان کی ٹیم کے ساتھ 6 سے 7 ماہ کا عرصہ گزاروں، ان کا مقصد تھا کہ پاکستانی اداکار ان کی انڈسٹری کے بارے میں ہر طرح سے آگاہ ہو، لیکن میرے پاس اس کے لیے وقت نہیں تھا۔واضح رہے کہ وِشال بھاردواج کی مقبول فلموں میں چاچی 420، حیدر اور اومکارہ شامل ہیں جب کہ رام گوپال ورما نے ستیا، کمپنی اور بھوت جیسی فلمیں بنائی ہیں۔
مقبول خبریں
عوام نے نفرت اور تقسیم کا بیانیہ مسترد کر دیاہے ،خارجہ پالیسی کے خلاف...
اسلام آبا د(این این آئی)وفاقی وزیر اطلاعات و نشریات عطاء اللہ تارڑ نے کہا ہے کہ عوام نے نفرت اور تقسیم کا بیانیہ مسترد...
پاک چین کمپنیوں کا جدید ہارویسٹر اٹیچمنٹ کا مظاہرہ ،کینولا کی فصل میں ہونے...
اسلام آباد (این این آئی) چین اور پاکستان کی کمپنیوں نے مشترکہ طور پر کینولا کی فصل میں ہونے والے نقصانات پر قابو پانے...
بشریٰ بی بی مکمل فٹ قرار، طبی رپورٹ اعلیٰ حکام کو ارسال
اسلام آباد (این این آئی)پمز ہسپتال کے ڈاکٹرز نے سابق وزایر اعظم عمران خان کی اہلیہ بشریٰ بی بی کو مکمل فٹ قرار دے...
پاکستان کو 1.1 ارب ڈالر قسط کی منظوری کیلئے آئی ایم ایف بورڈ اجلاس...
اسلام آباد (این این آئی)عالمی مالیاتی ادارے (آئی ایم ایف)کے ایگزیکٹو بورڈ کا اجلاس 29 اپریل کو ہوگا، جس میں پاکستان کے لیے 3...
جون تک زرمبادلہ کے ذخائر 9 سے 10 ارب ڈالر تک پہنچ جائیں گے،...
اسلام آباد (این این آئی)وفاقی وزیر خزانہ محمد اورنگزیب نے کہا ہے کہ جون تک زرمبادلہ کے ذخائر 9 سے10 ارب ڈالر تک پہنچ...