اسلام آباد(این این آئی)سیکرٹری اطلاعات پیپلزپارٹی فیصل کریم کنڈی نے کہا ہے کہ پیپلزپارٹی پارٹی نے الیکشن کمیشن سے کوئی چیز نہیں چھپائی، فرخ حبیب اپنی پارٹی کی کون کون سی چوریاں چھپائیں گے ۔ اپنے بیان میں انہوںنے کہاکہ ممنوعہ فنڈنگ سے لیکر چوری شدہ اے ٹی ایم سے رقم کی منتقلی پی ٹی آئی کی وارداتیں ہیں۔ انہوںنے کہاکہ یہ کیسی غلطی ہے کہ شوکت خانم ٹرسٹ کو ملنے والا چندہ پی ٹی آئی کے فنڈ میں جمع ہو۔ انہوںنے کہاکہ نیازی کے صادق اور امین کے سارے راز فاش ہو چکے ہیں، آٹھ سال میں بنی گالا کا سنسان مکان کیسے پرکشش محل بنا سوالیہ نشان ہے ۔
